مـــــلـــــــك الكــــــونترول/قناة اغانينا

هلااااااااااو شباب وبنات شلونكم

ان شاء الله الكل بخير

حبيت انزل هالموضوع

اكيد الكل يعرف قناة اغانينا
وهية قناة عراقية للاغاني

اني مدا انتقد هالقناة بالعكس قناتي المفضلة
[ندعوك للتسجيل في المنتدى أو التعريف بنفسك لمعاينة هذه الصورة]

وتعرفون المسابقة الي بيهة اسهة
ملك الكونترول

وهاي المسابقة بيهة شباب يتنافسون على هاللقب

واكو شات الناس تتراسل وياهم وتصوتلهم بنفس الوقت

همة يمكن اربع شباب مادري شكد بس اعرف واحد اسمة اميليو وفيفو وعلوش الباقي محافظة اسمائهم[ندعوك للتسجيل في المنتدى أو التعريف بنفسك لمعاينة هذه الصورة]

البارحة هيج على غفلة دا اقرة الشات الي بالقناة

فوحدة كاتبة
هلاو حبي ايميلو شلونك امواح مشتاقتلك شكد اتمنى اتزوجك ونجيب بيبي صفير[ندعوك للتسجيل في المنتدى أو التعريف بنفسك لمعاينة هذه الصورة]

يعني بلة هاي مستحت من دزت هيج رسالة؟
[ندعوك للتسجيل في المنتدى أو التعريف بنفسك لمعاينة هذه الصورة]
والناس كولهة كعد تشوف هالشي

واكو غيرهة وغيرهة وهم نفس الطريقة بس البارحة هذا الشي الي شفتة ضوجني حيل شنو هية قناة مال اغاني لو شنو؟
شنو جاية الاخت تحجي هيج ويا الشاب الموجود بالقناة[ندعوك للتسجيل في المنتدى أو التعريف بنفسك لمعاينة هذه الصورة]

يعني حتى هوة مجاوبهة اكيد انحرج[ندعوك للتسجيل في المنتدى أو التعريف بنفسك لمعاينة هذه الصورة]

هسة اكيد تكولولي هاي شنو شكعد تحجي خلي الناس تعيش وماعرف شنو

بس صدك شي محلو بنية مثلهة تجي تكتب هيج حجي والحجي راح يشوفو الوف من الناس

شنو رائيكم بلة بهيج وحدة؟[ندعوك للتسجيل في المنتدى أو التعريف بنفسك لمعاينة هذه الصورة]

اتمنى ماكو تجاوز بالموضوع

ويعجبكم بنفس الوقت

تحياتي[ندعوك للتسجيل في المنتدى أو التعريف بنفسك لمعاينة هذه الصورة]

ذكرى تحياتي الج بس رسول الله صلى الله عليه وسلم ايكول ان لم تستحي افعل ما شئت
هذول ناس ما تستحي فعدهم هذا الشي شي عادي كلش وانا كلش ما احب هذي القناه لانو بيها كذب
اهواي كلش على الي ايدزون مسجات وتحياتي الج

اي صحيح حجيك ورده
تحياتي الك والمرورك وردايه
بس تره هيه القناة حلووه بس شوويه الجات بيهه مخربط

ولو مسامعه هاي القناه ومتتابعته بس عساس هاي تطور الكتروني شبيكم

اي صح تطوور
بس لازم انحافظ على حياءنا
مووو لو موومو

حبي هية وحدة متستحي
بس حسب مااعتقد اميلو مسافررر مموجود لان اني اتابع هاي القناة
وحتى لو موجود غلط تتحجي هيج لان راح تنعكس على القناة اكيد واهم شي سمعة القناة والاذاعة
شكرا حبي للموضوع
تقبلي مروري

حياتي منوووره بس هذا مجرد نموووووووذج لان اك غير حجي و غيره هواي هواي

منوره عمري

اول شي عيــــــــــــــوني ايــــــميلــو اخلاقه متسمحله هيج يسوي
وثاني شي الولد تـــــــــــرك العــــــــمل من قــــــــبل سنــه ونص !!!
وثالـــــــــث شي الكونترولات كلهم جماعتي يعني اخلاقهم مستمحلهم هيج يسووووووون واني اعرفهم كلش زين
وبعدين القناه كـــــــلش محترمه
والولد كلهم زينين ولد عوائل وخريـــــجين

وتحياتي الج ورررررررده اتمنه مضوجين
بس اني ع معرفه بيهم للولد ومتابع للقناة
صح اكو هيج شغلات بس مو الكل ورئسا ايضربو باند دائمي الي هيج يكول
واتمنه اذكرين اسم البنيه علمود نصرف وياها .....
تحياتي الج

ايميلووو وبس

[ندعوك للتسجيل في المنتدى أو التعريف بنفسك لمعاينة هذه الصورة]
ذكرى
هذة القناتة مبتذلة وللاسف هي عراقية
وشباب يتابعها

هاي اكيد وحدة ممترباية وحجايتهة هاي تعكس تربيتهة

بس عتبنة على القناة
جان مفروض مطلعهة

يلة....... احنة لازم ناخذ عبرة من هيج نماذج ومنصير مثلهم ونبتعد عنهم

(شكرا على الموضوع)

» اغنية مقدمة برنامج ::خلن بوكا::يعرض على قناة البغدادية
» أغـاني قناة الشرقيــة في رمضــان||العتــوي||+||فاصوليـة||تحشيش خرافي