سواديني على حبها وماانام الليل
ام اعيون سوده وكلبي سابيته
اذا من ندى شفاها يلوح وجه الكاع
اخبطه اويه التراب يصير جكليته
هزها الشوك امس دكت عليه الباب
او يدك بيباني جفها اسنين تانيته
فتحت الباب بس من كثر مافرحان
صم جكليت عمري عليها طشيته
كعدنه ابسكته بس فاظحنه صوت البوس
او شفه ابحلك شفه الليل كظيته
خلكي الجان نايم صار حفنه اسنين
على صوت المباوس كاعد لكيته
لعبت ابخدها طوبه ابكثر مامشتاك
جمر نيران شوكي ابخدها طفيته
واسمع خدهه يحجي ويّه نفسه يكول
هلمجنون هذا اشجابني البيته
ومن راحت كمت من حلكي مدري اشطاح
شفته او لن حلكهه ابحلكي ناسيته
27/06/09, 05:34 pm
رسالة sms
