قصة المحشش وياالستلايت

موضوع: قصة المحشش وياالستلايت 20/11/09, 12:21 am

السلام عليكم ,, اليوم قررت أجيب سكلايت ,, قصدي ستلايت ,ضجت من الراديو القيثارة ,, جمالة كلشي ما ايبين من الصورة لان الراديو مالتي قديم بدون شاشة ,ورثته عن المرحومة بيبية بيبيتي انطوهيا ضمن غنائم معركة أحد ,, كلت حتى الجلب مال حراسة مال صاحبي جابولة ستلايت و وجهو عال قمر مال hot dog ,, بقت عليه؟؟ اجيبلي سكلايت و رسيفر و اتحدى الملل

رحت اسأل وين يبيعون ستلايتات؟؟ طبيت على فرن مال صمون طلع يركض حافي وراية شايل صمونة حجرية يريد يفشخني بيها عباله ناصب عليه

طبيت على مذخر مال أدوية عبالي يبيعون ستلايتات هناك ,, شو بدال ما اطلع بستلايت طلعت بشريط تينورمين الماني ابو ال 50 ,, يمكن ابو المذخر كال هذا ضغطه صاعد و كام أيهذري جاي يسأل على ستلايتات بمذخر مال أدوية ,,

المهم دلوني على واحد اسمه عباس ال ام بي ,, هذا ضخم الجثة هائل الأكتاف عندة ستكماتيزم بخشمه ,, بحيث من يعطس لازم بوصلة يلا ,, بس يباوع عال صحن يسحب أشارة ,,

رحت عليه و كتله
- مستر أل ام بي رايد ستلايت ويا صينية اتطلعلي قنوات كلش
- صينية شنو ؟ صينية مال جاي صينية مال كلج؟
- هذا الماعون الجلير المقعور من النص و مذبوب بالسطح محد ياكل بي

- هااااا الصحن و الرسيفر
- بالضبط الرسن و الصحيفر

- 500 دولار وية الترقيم 40 ورقة

ترقيم؟؟؟ ادري رسيفر لو سبورتيج؟؟ عندك رسيفر عراق نينوى كالو أرخص ؟؟
- لا ماكو بس بغداد
- ماشي يابه
- تريد كارت شاشة وية الرسيفر؟؟
- شنو عباس يمعود يا كارت شاشة شنو رسيفر dell هذا؟؟؟؟
- انتة مو اتحب الرياضة؟
- نعم
- و الرياضة احلى شي بيها الطوبة ,, ما ايعجبك تباوع لعبات؟
-أجل
- و اللعبات مفردها لعبة ,, و اي لعبة حتى تشتغل مو يرادلها كارت شاشة؟
أنهجم بيتك ابو العبابيس ,, والله طلعت تفتهم و هذا باكيت أسبين فارغ هدية مني الك
- لك شسوي بي؟؟
- أجره سكن عوائل مهجرين اي شي او املي تراب و فتحة بصف خشم ابوك اذا بي ربو المهم ما يرجع

- ما شي يابه أتفقنا ,,

هذا هم اخذ رسيفر و صحن صغير
لالا ما اريد صحن صغير يطلع وج المذيعة أصغير ,, أكول هذا الصحن شكد؟
- متر
- ما يفيد احنة سطحنا 80 سم
- ليش وين ماعد ببيت مال دجاج؟ لو امحور الميزانية شقة؟؟

هسة دشوفلي صحن صغير

المهم اخذته وياية للبيت و كعد بالسطح ينصب الصحن مدري ينصب عليه مدري ينصب على روحه والله ما اعرف

- مستر عباس
- نعم؟
- الرسيفر هذا جم سليندر؟
باوع عليه , و يمكن راد ياخذني على كد عقلي و كلي هذا 6 سليندر
كتلة
- شكد ظريف الرسيفر منيلة سليندرات قابل هو لابتوب؟
كلي ليش اللابتوب هو اللي بي 6 سليندر و 4 سليندر قابل؟؟

- والله ما اعرف اني من ورة الاحداث ما كمت احجي بالسياسة

- لك يا سياسة بابا؟؟؟نعلى على اكمل شغلي احسنلي

- مستر عباس
-شكوو؟؟؟
- صدك قناة السودان امشفريها و الا اشتراك بباقة ال اي آر تي يلا تطلع؟؟
- لا حبيبي اشترك بباقة مال كرفس احسن

و كام يخنفر و يبلظم و يبرجف بحلقة مدري شبي

اخر شي اندار و كلي على يا قمر اتريده؟؟
كتلة كوكب الارض جم قمر بي؟؟ غير واحد شنو هال سؤال الغبي (عود اني لوتي الكفها و هي سابحة قصدي طايرة)

- يعني اخلليلكياها عال قمر مال ارض؟؟؟؟؟؟؟؟؟؟؟؟ مو كاو هوة ال ال ام بي يختنك
عباس الاكرع هلكد ما انقرف مني طلعلة شعر و كعد يهلس بي ورجع اكرع مرة لخ (استغرقت هاي العملية 8 ثواني)

المهم وجهليا عال قمر اللي جان طالع بالليل
شو طلعت بالتلفزيون جولة و تراب و 7 رواد فضاء يكمزن مثل الخبولة .و واحد شايل جيس بي جبس ليز كل ما يريد يخلي جبساية بحلكه تطفر بخشمه لان الجاذبية مثل الوطني يمنا 4 ب 2 ,,. كتله هاي يا قناة عبوسي(ميانه بعد )
كلي هاي MBC Moon

كتلة خلليلياها

و كعدت اتفرج عال قمر من التلفزيون

بس كعدت الصبح لكيت ماكو أشارة للأسف
اكول
هو القمر يطلع بس بالليل؟؟؟ يعني دوامة بس مسائي؟؟؟؟؟

و هسة كاعد انتظر يجي حتى اشوف شراح يطلعون ,,

زائر

ععععععععععععععععععععععععععععععععع
يسلمووووووووووووووووووووووووووووو حبيبي

زائر

شكــــ ع الموضـــــ الحــــلـــــو ـــــــوع ــــــــرا

موضــــ ممـــــ مثـــــــ صاحبه ـــــــــل ـــــيز ــــوع

تحياتنا للسكلايت
تقبــــ مـــــ المـــتـــــواضــــع ـــــــروري ــــــلي

تحيـــــ كــــوران ــــــاتي

موضوع: رد: قصة المحشش وياالستلايت 20/11/09, 06:11 am

يسلمو ع المرور محمد
تحياتي

موضوع: رد: قصة المحشش وياالستلايت 20/11/09, 06:13 am

يسلمو ع المرور كوران
تحياتي