كيفيه عمل الدولمه والشيف حشوشي

المايك للسيد الشيف حشوشي ليضع لمساته على طبخة اليوم ..تفضل شيف:
حشوشي : هلو شلونكم شباب وشابات ..وحنه نخص بلذكر الشابات لان شابات هلجيل ميعرفن يطبخن .. اكثرهن .. مو كلهن مدري ليش تكول عبالك الوحده منهن كوندريزه رايز .. مشغوله بامور الشرق الاوسط ودارفور ..هو المطبخ اكو احله منه ؟

اليكن طبق اليوم وهو الدولمه العراقيه الشهيره...اول شي نعرف الدولمه تعريف : وهي عباره عن مجموعه جكليتات مليئه بلرز
..او اكو غير مصدر يعرفها انه عباره عن التمن من يحصدوه من الزرع رح يموت راسا .. اي قابل وين يدفنوه هلمره التمن ينافس البشر علكبور ؟ ؟ يحنطوه ويحطو بلجدر هااااا اها
.. بس هذا التعريف شويه يسد المشتهاة والاول هو الجواب النموذجي الي ننطي عليه درجه كامله

المهم نجي عله المكونات : نجيب المواد الاساسيه الاتيه :
.. راشي .. كعك ابو السمسم .. حليب صخول.. ثوم ..سمج .. ربع كيلو عدس ..3 بيضات نيه .. باميه ..اصابع مالحه .. وجبس با عيوني.. معلاك .. دبس.. فستق

طريقه العمل :
نحط باميه مال بارحه بايته علنار.. شرط بايته ... و بلماي مال باميه شنو نسوي ؟ نسلك البيضات..لا تتعجبون
زين ؟ ونكطع المعلاك.. ونملحه زين .. اهم شي التمليح مال معلاك يكون تمليح زين هسه تكولون ليش ؟ اني اكلكم حته نبدي نحشي بطنه بلفستق قبل ما نشويه عالنار حته يصير طيب .. بس الي بيه ضغط لا ياكل هوايه منه زين ؟

و نجيب السمج و نطبكه .. علتمن ونحط للبانيه الي بيها دتنسلك البيضات ملح حته يتملح البيض بعد ونذبها جدرية الباميه بلفرن الكهربائي .. نديرلها معدنوس لاضافه نكهه ...بعدين
قبل ما تستوي الباميه نجيب العدس وندكه يصير طحين وننطيه للصخله حته تاكله قبل ما نحلبها
ونحلب الصخله وره نص ساعه ونجيب الحليب ونديره فوك الباميا ونبقيه عله نار هاديه فد ربع ساعه وخير شي يطلع الخليط الشهي جاهز
شنسوي هسه ؟
ندير الخليط علتمن والسمج .. كلهن سويه .. بس المعلاك ابو الفستق مو وياهن .. وحده يناكل تره ديروا بالكم هوايه ربات بيوت يغلطن بيه
هسه جهزت المائده
ندير الراشي فوك الدبس ونقشمر بيه ابو الجهال... خلالها نروح نسوي جاي الي ويه الكعك ابو السمسم طيب ... اذا ما توفر الكعك ابو السمسم نستعيض عنه بلجبس ويه الجاي يصير رهيب ويحبوه الجهال.. عصريات.. شي ذوكوه مره رح تتعجبون عليه


اخيرا ... رح تشبع كل افراد العائله ..نشيل المركه السويناها ونذبها بلزباله .. وتجيــبلنه جيراننه ام محمد خوش دولمه تخبل حته اكلها وحدي
ههههههههههههههههه
والف عافيه .. .. ..
ودمتم