احلا الابوذيات....

عيوني غوشن ماشوف قفلن
وبس عليك كلبي نقفل قفلن
تريد تروح قف لتروح قف لن
شكل لناس قد راح من ايدية


رجعنالك يماي العين عدنة
والك وحشة وتضل بالعين عدنة
شما نحسب محبتك زاد عدنة
ولك حبك مطر شيحسبة الية

صرت نار بدليلي ومنك ابرة
شتضن انساك انة ومنك اتبرة
تعال الخيط مني ومنك ابرة
ونخيط كلوبنة ونلتم سوية

ردت راحة بحياتي ماصحتلي
مغيمة ودوم تمطر ماصحتلي
اجاك الخير شفتك ماصحتلي
شعجب بالضيم بس تنشد علية

سبة لضعف اشواكك سبق ون
عليك انحب وون ون ون سبق ون
لاتحلف لان غيرك سبق ون
حلف ان ما يخون وخان بيه

ارى جرح العشك يكبر ورة الدوم
دخت بيك وكمت ادعم وردم
مو للدوم احبنك ورة الدوم
وكول مقصر وحقك عليه

دوخة براسي وبكلبي ولم ما
ابو ما ون عليه مثلي ولا اما
هوة الداخ بالاول ولم ما
دخت انة بدة يضبط عليه

فراش ودخت والكلب ياماي
يبوية منين هذا انخلق ياماي
طين وماي لاياطين ياماي
طين وماي هيجي يسوي بيه

شهد ها ها شهد ها
الدمع شاهد بحبج ها شهد ها
الكلب بالكلب جلب ها شهد ها
شهد شنهي ختلفنة هاشهد ها
شهد غير انتي وديتي عليه

حلوة الشامة الي بخدك ودكة
ولك تدك وياي دكة باثر دكة
بعد ما اوصل البابك ودكة
لان ساسك رمل ونهدم بية

حبيبي كوران شكرا الك وانشاءالله اقدملكم احلا واحلا
[ندعوك للتسجيل في المنتدى أو التعريف بنفسك لمعاينة هذه الصورة]

مشكور حمودي روعة والله