يجي وكت العتب واتعاتب اوياك
واخليهن بديك اذنوبك اوياي
انا الشلتك جمر يحرك بالجفوف
واضل خايف عليك يلوحك الماي
أثر سهم المضه منك أداويه
وأحضرلي مكان لسهمك الجاي
أتلكه الحزن منك وأهم بيك
ويا ملكه اليسرك مثل ملكاي
مثل صبيره أموت من العطش موت
أشرب دمعتي وما أخسرك الماي
وكل روحي صبر واتحمل جروح
اجرح لاتخاف اتحمل اهواي
صبيره وصديقي العطش يفلان
حسبالك أذبل من تكطع الماي ؟
هينه شما شفت منك أجازيك
أردها اضعاف الك دكاتك اوياي
شجره اني وأكيد تردلي فد يوم
من أدكك شمس وادور افياي
تاخذ يسرتي ساعتها يفلان
كل زين الالك منطيته يمناي
اتحاسب اوياك الجرح بثنين
أعوف الراح الك بس أخذ الجاي
05/12/09, 10:22 pm
رسالة sms
