بعد ماريد نفسي ومني شو مليت
وياك ارد اضل ماريد اضل وياي
يا أول دمع كبر حياتي سنين
ويا اول فرح ردني لزمان صباي
يا اخر نفس مر برياتي ونــــــــام
ويا اخر نضر غلف جفن عيناي
يا (رويال) عطر حاضن عطر خديك
اشم خدك واحسك تجري ويه دماي
من بستك رحت ..مكدرت اصيحك وين
فوك خدود شفتك ثاري ناسي شفاي
عكست الكون كله ودار عكس الكون
شكلك يعني اكثر وانت ادره بهاي
بديك الماي اذا تعطش تشربه يزيد
لأن الماي منك طلع يشرب ماي
راي الناس عنك انت جنك طيف
وعند الراي من شافك فلا ضل راي
انه بلياك اموت وما اطيق الناس
واحسك تنسه اسمي وتكدر بلياي
اغازل كل جمالك وانه بييه جروح
واغازل مشيتك واتعثر بممشاي
تضل صوره بخيالي وحلم نص العين
واضل اضحك الك وبكلبي صيحة ناي
تبقه اجمل شعر يكتبني طول الليل
وتبقه العله بييه وتبقه انت دواي
تضل بكلبي تمشي واني اطش ورود
وفوك ورودي كلهن تبقه رايح جاي
طلب ضل عندي يمك سمعه حته ارتاح
06/12/09, 10:58 pm
رسالة sms
