والله ندمه مات جوه الكاع حبك من عكب ما جان نجمه
وشرجي صار العمر بعدك يالجنت بيامي نسمه
احنا سبحه وطش خرزها وما نرد هيهات لمه
دنيا جذابه وكيحه وهل وكت ما عنده ذمه
واني حزني الجان جاهل من هجركم صار زلمه
والله ندمه بيه وصلت انسى اسمي وما نسيت بيوم اسمه
والله ندمه حصدو بستان حبك وانا حصره عليه شمه
وكالو المقسوم يحصل وانتضر تجمعنا قسمه
ولو سمعت اجدام مرت كلبي فرفح كال جدمه
حسبت يذكر محبتي وبالبواجي عيونه تعمه
ومن ينام بغير حظني يصير تابوت على جسمه
بطلت عينك بواجي ورظت بشفافك البسمه
شمعي نورته بطريقك وانته شمعاتك مضلمه
وكلي يا نوم الانامه وياحلم كلي الاحلمه
كافي ونساهم يكلبي ذولي موش اوجوه نعمه
تكتب بدمك رسايل للي ما يستاهله كلمه
وبعد لا تحمدلك احد تالي هم تحتاج ذمه
تحياتي للجميع اتمنى عجبتكم هذه القصيده
حيدر الشرطي