(شلون انساك) وانته عمري

(شلون انساك)


مثل نهر وجرف عمري الاريدة وياك
هم شفت النهر لحظة نسة جروفة

انت كتاب كلبي وشاعر اليقراك
بدموع الليالي نكتبت حروفة

يل حسنك شمس وينور اعلة الكون
حتى اعمى البصر هم واضح يشوفة

يل طبعك كمر وتسامر النجمات
لو عنهن غبت تتنطر طيوفة

يل بية صرت وسط الكلب والروح
خل حبك جرح للموت ماروفة

كالوها اليحب يصبح مثل مجنون
صرت مجنون بيك وهاي معروفة


يا حاتم كرم معروف صيتك دوم
خاطر ماكسر فد يوم لضيوفة

يا ناي الحزن بيك انعزف موال
وكلماتك لحن مامنهة معزوفة

يا فرحة امل لو تمر بين الناس
احس بغداد عدنة اليلة مزفوفة

مو انت بحياتي صرت الية الروح
صفت مثل الشمس هالروح مكشوفة

لو عني ارحلت اي حال امرن بيك
مثل حال اليتيم ودمعة بجفوفة

واكلك شوف وكتي شسوة بية اليوم

بكليبي بقن طعنات لسيوفة

بكليبي بقن طعنات لسيوفة

حلوة هاي الكلمات جميلة
جداا تحياتي الكي يا
نبا على هذة الشعر الجميل

يسلمووووووو حسن
منورني يالغالي

دوم انتي راقيه وذوقكي رفيع حبيبتي

تحياتي لكي نياوي

يسلمو ياروحي انتي
منورتني

جميله جداً هذه الكلمات تحياتي الج يا نبا وشكراً يا وردة

يسلموو كوران منور
يياغالي

شكرا هدولة للمرور
منورتني

يسلمو الاعلامية نبا رائعة

شكرا يوسف للمرور
منورني