اهداء الى كافة مستمعي الرادو واعضاء المنتدى

عاذرك

	كاسرت عمري اعله عمرك
	كطعت ليش . . وحِـركتك
	جويه مني وجويه منّك
	ونتشيت . . استاهلك . . شهكة عوافي
	وخيّبت ظني . . وصدك ويّاي ظنك
	ماكلت عنك . . عرك جفّك ابجفّي
	ولا كلت جاسك زعل . .
	واشتعل دمي ابنار دمّك
	أصعر . . وتستسهل . . اتشاغل خيالي
	وياخذك غيّك . . خرز خلخال . . تِـطّــشّـر وألمّك
	ومدري ليش . . أتمايزك وردة اكرنفل
	اِتّيه روحي ابريحتك . .
	واحتار من ياصفحه اشمّك
	أختلي ابحسنك . . وافج كلبي واطلعك
	تلعب ابعمري . . وخاف الغير يندلّـك وأضمّك
	خاف تاخذني . . اعله بستانك فرحِتي . .
	وخاف تكبر حيرتي . .
	وحسنك يغرّك
	خاف تِطشّر ولك . . وشلون المّك ! ؟
	كالو : ايحبك ! !
	كلت من شاف كلبه ؟
	وجبّست دمعي . .
	وسكن نبض الكلب . .
	عن لا يذمّك
	تِرسْ جفّي . . اسوالفك وحده اعله وحده
	وعرك جيدك زمزمي . .
	وخجلان تتعذّر !
	واكلّك : لايهمّك
	من تجِسني اشفايفك
	تاخذني غيبه !
	ومن تِرِشْني ابمزنِتَك . . ولهان افز . .
	لن روحي يمّك ؟
	اختلي ابحسنك . . وأفج كلبي واطلعك
	تلعب ابعمري . . وخاف الغير يندلّك وأضمّك
	وخاف تطّشّر خرز . .
	وشلون المّك ؟
	اشجان ضرّك . .
	تختصر بعدك عليه ؟
	وكلّي شكرات وحمد
	للمختصر . . حسنك ابخصرك
	تشرب معافي . . حناني ولهفتي
	وتسكر ابدمي . .
	وتنتشي ابغيّ الشذى . .
	وتتعزّل اعزال من اجرّك
	من جمعني وياك ؟
	من شدني . . ويه طولك . .
	طعّمك بيّه
	وصرت حلوك ومرّك
	لنها ما بالغبشه . . غبشه . . ابغير عينك
	خاف اترزبيك .. حد كطع النفس
	وازهك واضرك !
	خاف تطشر خرز ..
	وشلون المك ؟
	ومن كبل .. كل شوكه عمري من الطوارف
	حسبت مثل الوداد .. الفات ودك
	من كبل .. وآنه الورع كحل اجفوني
	وجنت اظن :
	وكت التهد بيه روحي اهدك ..
	لني كلما فززن صبري الليالي ..
	وخان وكتي
	اتوسلك .. هدوة كت خليني عندك
	اوعاذرك .. لو هدل عودك ..
	من كدر يحمل حسن مثلك وكدك ؟
	غاذرك تغلط ابحكي ..
	وتبخل ابظلك على النايم ابسدك
	عاذرك تغتاض ..
	بس من غير شاره ..
	وشارتك هالبينت
	ودخيل جدك
	عاذرك .. عن لايهم كلبك ابهمي
	وتنترس عينك دمع
	وتنترس عينك دمع

عاش الذوق
وشكرا على هل روعة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

كلمات في قمة الروعة والذوق
سلم ذوقك خيو
تحياتي الك يا ورده

زائر

شكرا ع الكلمات الحلوة تحياتي يا وردة

يسلمو قصيد حلوة

يسلمو يا وردة

شكرآ
روعة

تحياتي قصيده تجنن
[ندعوك للتسجيل في المنتدى أو التعريف بنفسك لمعاينة هذه الصورة]
حيدر الشرطي