الله العظيم اتفوتكم اذا متقروهة للاخير

زائر

هلاااااااااااااو
شلونكم ايفري بدي ( تيشرت ) ؟؟؟
اليومـ حبيت احجيلكم قصهـ ما قبل النوم
بس ما انو الدنيا ظهر فمن يصير الليل عود اقروها من جديد هع
يلا كـآفي عآد
فتحوا عيونكم وآذانكم و تمتعوا بأحداث القصه هع

..........

كان ياما كان في عتيك الزمان
جان اكو حاتة اسمها سندرلا خوش حاتة اصيلة و علمودها غنة حسام الاغنية مال
العكربة...
المهم
جان عدها مرة اب كلش خبيثة و جانت تشتغل وية الامريكان مترجمة و ابوها جان خطية يبيع قوايش مبردات حجم 1100 بالشيخ عمر و احيانا يبيع شخاط فلّ خوش ازلمة جان مال اول ...
و جانو الكل سايكين على سندرلا خطية روحي سوي الجوزة مال مولد فصلت ...
روحي اوكفي سرة على الغاز...
روحي لسهام العبيدي (واللي ميعرف سهام العبيدي هو مكة مول مال بغداد)
اشتري شحاطات لخواتج (اللي همة جانو 3 خوات بس من غير اب هم خبيثات )...
روحي شلعي الشتايكر مال السطح و رجعية مرة لخ...
روحي جيبي لفات فلافل من فالح ابو العمبه (واللي ميعرفه هذا مثل برغر كينج بعمان)...
روحي بدلي الدهن مال المولدة كامت أتفحّط ...
و هاي خطية جانت كلش حبااابة و تروح ولا تفتح حلكها
(بس من جواها جان التقسيم مشتغل)...
. المهم الى أن يوم من الايام جانت دا تصعد مي بجليكان ابو ال 20
(المي ضعيف و الماطور ما ايصعد لان ماكو كهرباء)
لكت بالطرمة فانوس بس شنو مزنجر و عتيك عبالك جان بدوائر الدولة و اتحوسم جتي علية فركتة و كام يطلع دخان سندرلللا اتفاجأت و ازبهّلت و رجعت خطوتين للخلف بسبب المفاجأة حتى اصطدمت بالدنكة
(مع انه ما جان اكو دنكة)
و كالت :هاي شنو العالم حتة هنا ايحركون زبل و تايرات؟؟؟شنو هالدخان هذا؟
الدخان شوية شوية اتحول الى جني لابس دريس مال برشلونة و بوتين اديداس وسوار ذهب و حاط معطر (فريدو فور مين)
و كللها:-
-شبيك لبيك عبدك بين ايديك انا الجني رامي من العرصات شتريدين اسويلج بس عال سريع لأن ماما دكتلي مسكول لازم ارجع

-عمو جني اريد وطني 24 ساعة ممكن؟

-ولج بابا هوة اني ساحب واير 5 امبير من مولد للفانوس اشون اجيبلج وطني 24 ساعة؟ شنو جني لو وزير الكهرباء؟

-زين عمو عمو اريد قنينة مال غاز متروسة لأن امعوزين .....

-ولج عمو شنو هل حجي؟ ولج انتي شكد فكرية.. اكو واحد يطلب من جني قنينة مال غاز؟ شايفتني رابط الفانوس على الحصان؟

-عمو عمو لعد اشتكدر اتسويلي؟

-باعي عمو انتي بعدج صغيرة و محرومة و الامير راح ايسوي حفلة و ادري عائلتج راح اتروح شنو رايج لو اخليج اتروحين و تتونسين؟ احتمال اتطلعين اب صاية و صرماية لأن الشرقية هم دا اتصور هناك حفلة طاكة .

- زين اشون اروح عمو؟ نفرات لو كيا؟

-بابة معليج هسة غمضي عينج.... سندرلا غمضت عينها
(و من الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير لي هسه)و فجأة شافت سندرلا نفسها لابسة فستان و حذاء كشخه يعني طلعت حااتة اللا مش ممكن....
الجني زرك لسهام العبيدي وباك عل سريع ورقة و نص و جابلهيا لأن طلع لوكي مال حاتات عتيك

و كللها الحفلة تخلص بال 8 و نص علمود منع التجول و كل هاي الهدوم و الحذاء و الميك اب و كلشي راح يختفي اذا عبرت ال 8 و نص و احتمال تنلعسين بالطريق

-حاضر عمو شكرااااااااااااااااااااااا..... هاي شكرا الطويلة مال الزعاطيط

وصلت سندرلا البيت الامير جان امسوي حفلة لان طلع 77 بالسادس حيروح اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد كلة هجع و عالكة هم جانت موجودة
و الامير شاد الرباط على راسة و مقندل و صاير طلي و ردح
و فجأة الامير صاد سندرلا و عجبتة و كابلها جتف ساعتين و ساندرلا نست روحها و نست الكراب و السراوات و البهذلة و نزلت ردح الى ان صارت 8 و نص ......اللهّّّّ!!!!! انلاصت اتذكرت الوصية مال رامي الجني و كالت لازم اشطح و ركضتلك عال سريع عبالك برازيلي هس توها امجفتة و الامير وراها

-وج تعاااي شبيج اتخبلتي؟مو دا اصيحج ؟؟؟ وين رايحة؟؟؟ فضيلة (هلكد ما سكران نسة اسمها) المهم ركضت سندرلا و جان يوكع حذاءها
وكع الحذاء مالتها بلا ما تدري جان الامير ايشيل الحذاء و لزمة و ضل صافن عالعالم اللي انتبهو عاللقطة و كامو ايباوعون عليه.. الامير بقة شايل الحذاء و

مصدوم و صورة سندرلا الحلوة ببالة... الحفلة اتوقفت طبعا و العالم سكتت من المفاجأة

جان ايباوع الامير عا العالم ....صنطة.......و كال للناس :

الشركة العامة للصناعات الجلدية: فخر الصناعة الوطنية العراقية خبرة و تميز في مجال المصنوعات الجلدية من الأحذية و الحقائب بأرقى المواد الاولية الفرع الرئيسي :الكرادة قرب جسر ابو الطابقين

هع هع

و عـآشوا عيشهـ سخيفهـ
شكراً لحسن أستمآعكم
دمتم سالمين
هعهعهعهعهعهعهعع

ههههههههههههههههههههه
ليش هيج عاشوا عيشه سخيفه جماله
ههههههههه

زائر

هعهعهعهعهعع غير نعاية القصة

ههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]
حللللللللللللللللللللللللللللللوه كتير

زائر

ادري مي حلوة

[ندعوك للتسجيل في المنتدى أو التعريف بنفسك لمعاينة هذه الصورة]

زائر

عابت

عليك

زائر

لا والله عليج

يا ريت اشوف القصة هذه بالذات اتصير فلم
والله يصير احسن فلم
ههههههههههههههههههههههه
كول من البداية ده تسوي اعلان على الصناعات الجلدية
مشكور يا حفيدي المشاغب

ادللي وتين هسه نخلي محمد هوه بطل الفلم حتى نضحك عليه

زائر

هعهعهعهعهعهع
شنو قصدج اتضحكين علية ها
اوكي قابل حتة يزيدن معجباتي
هعهعهعهعع

ههههههههههههههههههههه
عاشت الايادي

زائر

ادللي يوردة

[ندعوك للتسجيل في المنتدى أو التعريف بنفسك لمعاينة هذه الصورة]
معجبات
هههههههههههههههههههههههههههههههههههههههههههههههههههههه

زائر

اي شبية اني ابزبز اجكجك

هههههههههههههههههههههههههههههههههههه خووووووووووش جني

شكراااااااااااااااااااااا حمودي قصة حلوة منك

زائر

ادللي حمامة

[ندعوك للتسجيل في المنتدى أو التعريف بنفسك لمعاينة هذه الصورة]

زائر

طيب

الحميس
ما اصور

زائر

والله خبصتيني بلحميس

[ندعوك للتسجيل في المنتدى أو التعريف بنفسك لمعاينة هذه الصورة] ضجت مني