خليني اشوف الشعر يكفي اسنين****

خليني اشوف الشعر يكفي اسنــــيـــين *** مخنوك ابربطته وتخـــــــــــجل أتهده
فله وخلي اشوف الليل عيني ابعـــيــن *** وشوفا حقة لمن جان يتــــــــــــــحده

اتمنا ظلامك رغم نور البيـــــــــــك *** شلون اني وضلامك اشعر ابوحـــــــــده
من كدام اشوف الصبح وجهك نــــــور *** ومن تندار اشوف الليل يتـــــــــــعده
ومابين الصبح والليل اشوف اشــــكال *** والمابي صبر يستلك جد جــــــــــــده
وما انزل بعد خايف اعيون النــــــــاس *** وهم خايف اروح بكلمة وأتـــــــــعده
وياخذني الحجي واهس تصير ابـــروح *** واعرف روحي جاهل نايم أبمـــــهده
من يصحى يصحي البيت واهل البــــيت *** جمرة يحس تصيرا حتى المــــــــخدة
ويتركني الصبر كبلي يهما بــــــــــــــيك *** واذا كلبي الصبر مله بقى شعنــــــده
يجيك بطرك روحه وينزف من الــشوك *** حتى اني يخليني يجي ابوحــــــــــــده
لان يعرفني مجروح ابوطن مجـــــروح *** عليه كل الظروف اليوم مـــــــــشتده
اعذرني حبيبي البيه ما يــــــــــــــنقاس *** اتعشة بحزن وبعـبرة اتغـــــــــــــــده
لو عدنة امان اتمشة هيج ويــــــــــــاك *** لا حرية عدنة ولا بقت وحــــــــــــدة
ولا هاتف اخابر اسال من اشــــــــــتاك *** لا نهر البقى ونكعد على الــــســــــدة
اكبالي همر فوكاية هم قنـــــــــــــــاص *** والشارع خلى كل البشر ضـــــــــــده
ودور اشوفك انت هم بطــــــــــــــــران *** ارجوك الكلب وياك لتـــــــــــــــــعوده
لان شفت الورد ينداس ما ينبــــــــــاس *** ومتنثر رغـم جان ابوكت شـــــــــــدة
وردة انت ونسيت الورد وي بغــــــــداد *** ما اكدر اداري بهل وكــــــــــت وردة

النعيمي....

شكرا توتة

[ندعوك للتسجيل في المنتدى أو التعريف بنفسك لمعاينة هذه الصورة] توتة