جرحتك حبيبي

شكلك شعتذرلك.. قصرت ويــاك
جرحتك يا ترف انه شكثر خـجـلان
انت القدرت جرحــي وعـــشت وياي
انت النشفت دمعي وصرتلي احضـان
انت الغيرتني ورجـعتلي الشـوك
وانت الفتحت كلبك الي بســتـان
زعلتك صدك .. بس والله ما مقصـود
صح مني الغلط وانه اعترف غلطــان
صح نغلـط نعم لكن نسامــح دوم
يضل طيب الكلب موجود بالوجـدان
سامحني بكيانك من حنان البيـك
لا تضحك جذب وبداخلك زعـلان
اجيتك اعتذرلك وانه ما معصـوم
شسويله الغلط مكتوب ع الانسـان
الف اسف والف مره اعتذر كل يوم
ندمان شكثر يا خيبت الندمـان
ما استاهلك وانت ملـك مخلوق
ما استاهلك وانت نبع ريحــان
اخذ من عندي حقك اخذه خل ارتاح
وهاذ انه ابعدت ساكن بلايه اوطان
عذبني الضمير الماينام بليـل
ما اكدر اغمض واتركك زعـلان
عمت عيني وجرحتك وانت حب اتفيض
يا قسـوة كليبي الوجتك نيــــران
اكولن سر الك وارجوك لا تحجيه
( بجيت هواي انه الخاطرك يفلان )
بجيت وعيني مطرت والله زخ ادموع
مو عين اصبحت جنهه شهر نيسان
ما ريدك تسامح وانه ما معـذور
ولا املك عذر عذبني يا سـلطان
بس اعرف احبك وانضر العيناك
بعد شلون انضرلك وانه الخجلان
اخذ من عندي حقك اخذه بلكي ارتاح
وهاذ انه ابعدت ساكن بلايه أوطان