والله احبك من زغر بس ماحجيت

موضوع: والله احبك من زغر بس ماحجيت 24/01/10, 09:49 pm

السلام عليكم
لكم امبراطور الشعر من جديد
وشاعر الفقر
الذي يرسم ولا يكتب
(( نائل المظفر ))

اعتذار الــــــــــــــــــــحب

لا تحط بيدي الشمس واحلامي بيد
ولا تهيج عل فقير جروحه
ولا تكَلي بعسرك ويسرك اعيش
وانت قصرك للسمه يمد روحه
عوفني بحالي تره اني بليه ايد
وانت شباجك زحل ما الوحه
شلون ماتدري الحلم جرح الفقير
ماتشوف احلامه كَد جروحه
روحي مذبوحه ذبح وتريد اطير
منين الي حظ يطير المذبوحه
لا تأملني بحجي الماجاسه ظيم
جفي دكَـ بوب السمه المفتوحه
وحظي دكَـ اثبات بجناح الفقير
لايصعده ولا ينزل سطوحه
انت بعدك مانمت فوكَـ الحصير
وغمست لكَمه ملح بملوحه
لا تلامسني بطرف صدرك اذوب
اني من دم ولحم مو لوحه
لا تمرجحني برمش عينك اخاف
آنه ماشايف رمش مرجوحه
ولا تِكَلي اتمرجح شمالك تخاف
جنت اريدك للسمه توديني
بس اخافن ينكَطع رمشك واطيح
وباجر تكَلي طحت من عيني
روح دورلك محب يرهم عليك
آنه قاموس العشكَـ طاويني
ماعشكَتك واحنه بالطيش استحيت
شلون احبك من تجي تلاثيني
خلني راضي بفقري انت ارضه بغناك
وعوف عيسى بدينه وآنه بديني
ولو خلاني الوكت بعت اللحاف
يعني هسه بكيفي امد رجليني
لكن ادري بدربي عن دربك بعيد
ومن زغر هذا الفرق بجاني
انت دفاك الثلج عل لا تموت
وآنه ميت والثلج دفاني
وانت كاروك الذهب ماكفه اديك
وآنه كاروك الكَصب دفاني
وحتى لا احلم ومد جفي لسماك
وآنه ارضع كَمطو ذرعاني
وعن محبتك والله ناشدني الحديد
هذا رمشك يا ترف شداني
والله احبك من زغر بس ماحجيت
جنت اريدك تنسعد وي ثاني
ومن اجيت بلهفتك تسال عليه
كلبي كِله تمرجح بشرياني
وتالي من غصبن عليه كَتلك نسيت
روح دورك محب وانساني
توسلت بلساني يحجيهه وتروح
ومن رحت عني كَطعت اللساني
آنه كَتلك لا تجي وجي ما اجيت
راحت ابابك تدكَـ بيباني

.................

زائر

الله كلام جميل
مشكورة
حمامة الورد

ررررررررررررررررررررررروعة

[ندعوك للتسجيل في المنتدى أو التعريف بنفسك لمعاينة هذه الصورة]

كلااااااااااااااااااااااااام
رووووعة يسلمو عمري

[ندعوك للتسجيل في المنتدى أو التعريف بنفسك لمعاينة هذه الصورة]

منووووووووووووووووووووورين ياحلوين

[ندعوك للتسجيل في المنتدى أو التعريف بنفسك لمعاينة هذه الصورة]

تحياتي الج حمامه الف شكر تقبلي مروري

حيدر الشرطي

شكرااااااااااااااااا الك ولمرورك الجميل نووووووورت

» احبك لو احبك ياهو تختار
» والله اشتـــــــــــــــــــــــــــــــاكلك
» صور من تصوري والله
» والله ماامقصود؟؟؟؟
» زعلتك صدك..بس والله ما مقصود