شبيك لبيك مارد بين إيديك؟؟؟؟؟؟؟؟؟؟

شبيك لبيك مارد بين إيديك؟؟؟؟؟؟؟؟؟؟

سار عراقي عائداً إلى منزله خلال ليلة من إحدى ليالي بغداد المظلمة، فوجد في طريقه فانوساً يبدوا انه قديم بعض الشيء فحمله معه إلى المنزل، وبعد وصوله إلى البيت جاء العراقي بقطعة قماش لمسح التراب عن الفانوس، وما أن بدأ بذلك حتى غطت سحابة دخانية ملونة المكان، ليخرج من فتحة الفانوس مارد شقندحي عملاق يصرخ بصوت مرتفع: ( شبيك لبيك عبدك بين ايديك .... اطلب ... اتمنه ...وعليه التنفيذ )، ولم يصدق العراقي عينيه وبقي مذهولاً، فهل هي حقيقة وهل ان الحظ قد ابتسم له أخيراً، على العموم صرخ المارد من جديد شبيك لبيك عبدك بين ... فقاطعه العراقي قائلاً:
لا تصيح يمعود الناس هسه يلله نامت .. لان هسه اجت الكهرباء الوطنية.
المارد: ها ها ها ها ها يمعود منو يسمع .. اولاً الناس نايمة وتعبانة .. وبعدين صوت المولدات مال المنطقة اللي وراكم تخلي الواحد حتى اذا تنفجر عبوة يمه هم ميسمعهه.

العراقي: هسة معلينة اطلب أي شيء يعني ؟؟؟
المارد: أي شي وعلينه السمع والطاعة

العراقي: أريد بنزين للسيارة والمولدة ؟
المارد: انتة لوتي الله يسلمك .. هو اني لوما مخلص بنزين بــ هالدربونة جان بعد 100 سنة متلكاني بس غير طفيت بالشارع .. وبفضل وزير النفط حتى خمس لترات هم ما كدرت أدبر!!!

العراقي: زين عوف البنزين خلي يولي .. اريد بيت جبير 100 متر !!!
المارد: لا بالله اخاف متقبل .. هو اني لو عندي بيت جان مكعدت بفانوس غرفة ومطبخ .. بس جاي أنتظر مشاريع وزارة الاسكان الي هارينه بيها بالاعلام وكل قبض ماكو بالواقع !!!

العراقي: زين اريد سيارة !!!
المارد: عندي سيارات بس متفيدك لان كلك يعني منفيس ماكو واخاف انطيك وحدة وتبتلي!!!

العراقي: زين اريد الكهرباء متنطفي بالعراق !!!
المارد: هاي شلون رهمتها .. قابل شسوي هو اني صار شهر ماعندي كهرباء بالفانوس يكولون عطل من بيجي .. وبعدين ما دام كريم وحيد مجلب بالوزارة لا أني ولا جدي راح نكدر نسويلكم جارة !!!

العراقي: زين اريد جم دفتر .. أريد اصير غني !!!
المارد: والله ما ينعزن عليك لوعندي .. بس انطيتهن ( بالهفتي ) واكلوهن عليه الما يخافون من الله .. وهو وزير المالية صولاغ نكدر نطلع منه فلس عانه .. شو نايم علفلوس نوم وكلشي ما يصرف !!!

العراقي: زين لعد اريد الحصة التموينية تتوزع كاملة !!!
المارد: بوية انت شجاي تسولف .. والله راسي يوجعني لان صار جم شهر مشارب جاي لان ما ينطوه بالحصة .. وشكد ردت عالجت أشلع وزير التجارة بس ما كدرت .. لأن الحجي بيناتنه ربعه الي بالبرلمان ساندي !!!

العراقي: اريد تقضي عالبطالة والكل تشتغل !!!
المارد: صدك انته فقير ومبين على نياتك .. هو لو اكو شغل جان اني مشتغلت خادم بفانوس .. بس اذا تريد تعيين أكو من جوه لجوه وبالورق !!

العراقي: اريد تنشال الصبات من شوارع بغداد !!
المارد: وشيشيلهه هاي .. اذا هي كل صبة بكد بيتكم .. ما اكدر ضهري يوجعني .. واذا أني أشيل وحده وزارة الداخلية تخلي عشرة !!!

العراقي: اريد اتعين لان اني خريج !!
المارد: عمي خريج مريج كلها بالابريج .. وصارلي سنة اسعالي بتعيين ودفعت30 ورقة ولحد الآن كلشي ماكو !!!

العراقي: اريد اصير رئيس العراق !!
المارد: شيزحزح هذا الطالباني حتى اتصير بمكانة .. اذا هو وزنه 20 طن !!!

العراقي: زين عوف شغلة الرئيس خليني عضو بمجلس النواب !!
المارد: ومنو منهم يعوف مكانة اذا الراتب 30 مليون وكللهم لازكين فد لزكة .. وحتى شغلة رفع الحصانة عن الارهابيين هم ما صارت حتى نخليك بمكان واحد منهم !!

العراقي: سديتها بوجهي .. اريد الطم على راسي من ايدك !!
المارد / هاي سهلة .. الطم واني هم الطم وياك .. لأن بس اللطم متوفر بهلبلد !!

العراقي: خايب انته مارديش مال لنكة .. هو انته ينرادلك واحد يساعدك مو انتة تساعد الناس!!!

المارد: عمي اني شعليه .. هو العراق ألف مارد ما يكدر يحقق امنياته !!!.

حلوه واني هم اريد اطلب بس والله طلباتي معقوله وبسيطه
بليزززززززززز خلي اطلب

ههههههههههههههههههههههههههه ميوشة اطلبي بلكي يقبل

نوووووورتي

امممممممممممممممممممممممممممم

اطلب

اطلب

ان اعرف شغله محيرتني حتموتني

يمة اسم الله عليج

اني كلج مراح تعرفين ههههههههههههههههههههههههههههههههههههههههه

حلو

[ندعوك للتسجيل في المنتدى أو التعريف بنفسك لمعاينة هذه الصورة]

‏!!!