بعد ماجيب جرحك ....للشاعر ايهاب المالكي

بعد ماجيب جرحي

بعد ما أجيب جرحي تروفه ليه ردود
أنه أستجمعت حيلي وبالصبر رفته
أمر وتشوفني شلونه الوكت وياي
ما مهموم وأضحك والحزن عفته
ما خليتلك خيط أمل تترجاه
دفظ حتى الخيال من الجفن شلته
وضعف روحي بيدي جريت أمثل بيه
كَدام اليضدك للصَلب كَدته
من تشوفني تعرفني ؟ لا والله
مو ذاك الغشيم المن كَبل شفته
كَبالك غير واحد بيه شبه من ذاك
ما يشبه هذاك البي جرح عفته
مّرة التجربة المريت بيهة وياك
مّرة وعلمتني وحنضلك ضكَته
ولو خسران بس الله يعوض الراح
حب راح بعشرتك وأنتهة بوكته
عفتك دون ما تسمع لي وقع أقدام
ماتحجي الشموع وينطفن سكته
عرض كَدامي ظلي وعطلت ممشاي
حاجيته ونصحته ومن رفض دسته
وظل حلمك بعيني على الجفن مطروح
جذاب اليكَلك من رحت جسته
ولأن ما ردت منك شي يظل تذكار
ما ردته بحياتي وع الخلك سمته
منو الياخذ حلم ومن ينطي زايد بيه
حلم كلش جديد وما استعملته
أبيعه لغير واحد مثل ماسويت
وياي وحنينك للغرب بعته
مثل سجينتك راح أنسحب بهداي
حتى اترك حياتك وأطلع بسكته
بلا ما تشعر ويكسر قرار الشوك
وأرجعلك وأكَول تسرعت خذته
ردت ينباكَ جرحي ورصعت بيه ماس
ردت أغوي الحرامي ومن رفض لمته
انا الطير النـزل للطعم من حطيت
روحك للضحية ومن نزل صدته
ترك لأجلك سمة وراويته الأنجازات
من كَصيت جنحه وللقفص جبته
عفتني وية الجكَارة أثنينه مورثين
محد طفة الآخر وأنطفيت انته
كَبل جم مرة أجيلك مشتري وما ابيع
وأسمع صوت روحي تكَلي عاذرته
وأنكثلت أسراري بحظن لحظة شوكَ
بس تالي ألكَة سري الناس سامعته
جنت مثل الهوة موتي بصفنتي يصير
يحيـني اليكَلي الشادهة بشفته
وأحلف كارهك وأكتشف يطلع شوكَ
من ظمن السوالف بالحجي الكَلته
ردت جم مرة أطلعك كَلبي ما بي باب
دورته على كيفي وكل كتر درته
وتعلمت كلشي في سبيل أنساك
بس فراكَ وجهك ما تعلمته
هسة بسد خريفك حطبت ذكراك
خاف يرد خضارك وانتشي بجيته
بعد ما اريدك تظل خيط اجلب بيه
وأبقى متاني جفك يفزع يعته
تعوف الدفن حبك مثل سرب الراس
تركض ع اليحطك راس سالفته
يلمهدور حبك مني كون تشيل
لا تفتر بروحي وثاري ماخذته
انا منوميتلك مو من الم طعنات
لا بس ردت أكَلك كَلبي ما لحته
ما ينخدع كَلبي بدمعتين رخاص
تتلطخ بدمه وتقرأ فاتحته
عالي الجف إذا وكت الزعل ينباس
عكس الجف هذاك البصلح بسته

للشاعر,, ايهاب المالكي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شكرااا على المرور

مبدع ياررررروعة

كلام جميل .

تحياتي أشرف علي ملك الرياضة ...

شكرا جرح الزمن تحياتي

» يا عراق........الشاعر العراقي رحيم المالكي
» هل تبكي على موت شخص جرحك !!!
» ضمد جرحك وغطية
» ماذا تقول لمن جرحك
» لحـــــــــــظة فــــــــــــرح ؟؟ الشاعر طالب المالكي