يا صاح عودي ذبل وبكل دوا مايصح
والدمع سال وجره من ناظري ما يصح
والنيب مثلي ابحنينه لو صحت ما يصح
من حيث مضروب مابين الجوانح تبن
بمعالج الروح سري لم اموتن تبن
لا تنهضم عل سبع لو صار علفة تبن
واليوم حتى التبن علف السبع مايصح
من يوم فركَاك جسمي من صدودك عود
هيهات عكَبك يسلّيني نديم وعود
كلما أعذْل النفس روحي تكَـلِّي عود
لي صاحبن كَط محَّد كَال إله لوله
وحياة من بالمهد جبريل إله لوله
لو ما يكَولون واعرف بالحجي لوله
جنت احجي ويَّاك لا جن بالزبيبه عود
ظعن الولف شال عن امتيمه ونوحه
والكَلب حزنان يِلْعَهْ وما بطل نوحه
راح الذي بيه جنّا عل المها نوحه
عجَّزت أهل النجم والياخذون الفال
كل يوم أكَولن يفل همي ولا هو فال
كَطان جني طحت ما بين عَجْلَة فال
واحد للآخر يكَلَّه ها ولك نوحة
[center]
رسالة sms
08/02/10, 10:13 pm
