كون تشوف

موضوع: كون تشوف 17/02/10, 01:02 pm

جبت كلشي وعفت كلشي

ومدري شلون اجيت امشي

اجيتك ردت اكلك شوف

ردنه نعوف كلشي وماكدرنه نعوف

وكون تشوف حالي شكد الك ملهوف

جبت كلشي اليسولف بيك

خيالي. . .وصحوتي. . .وطيوف

جبت دكات كلبي الكطعن كلبي بجفاك سيوف

جبت صفنات روحي السودنت روحي

مثل جني وعل يتيم يحوف

وكون تشوف بشفافي الحزن ماخله بسمه تعيش

وكون تشوف دموع الجدم مايدري وين يروح

والخطوات عميه وتايهه بلا شوف

وكون تشوف خلصت الوجوه وشفت كل ناس

كلها وجوه غربه ولا وجه معروف

وين الكاك؟

خلصت الوجوه وخلصت كل الناس

وين الكاك يل موصوف اليه وانه الك موصوف

يل فركاك غربه وكلشي مامالوف

انه بلياك مدري شبيه مابيه

زلف وبلايه ترجيه

نهر فاض وتبع ميه

رجع بس مالكاله جروف؟

وكون تشوف روحي شخله بيها الخوف

مطلوبه نذر وتخاف ماتوصل حضرتك من بعيد تطوف

وكون تشوف روحي شخله بيها الخوف

مثل حلت مدارس روحي احسها اطفال

راحت وتركتني وباقي بس صفوف

وياوحشه صفوفي. . .وياوحشه بيوتي

يا وحشه عيوني. . .ويا وحشه ضنوني

ويا لون الوجه البعدك بقى مخطوف

يا قسوه ضنوني الماتريد ارتاح

وانه الصاير اسير وبيدهن مجتوف

كون الكاك واشكيلك على جروحي الكيت الغشمه ببيها تروف

كون الكاك واحجيلك بكتاب السنين انحذف كلشي الجان

بس اسمك بقى مامحذوف

وذكرك من مسحت دموعي باخر يوم على خدودي

احس ليهسه طبع جفوف

وكون الكاك واشكيلك عيوني نظيفه تصير وكت النوم

هلبت بلحلم منك تجينه طيوف

وكـون تشـوف

أتـمنى عـجبتكم
تـح ـيتي

موضوع: رد: كون تشوف 17/02/10, 11:21 pm

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: كون تشوف 18/02/10, 05:37 pm

الف تحيه الك محمود شكرا جزيلا
تقبل مروري حيدر الشرطي

موضوع: رد: كون تشوف 21/02/10, 03:56 pm

مشكرورين عالمرور تحياتي الكم

موضوع: رد: كون تشوف 21/02/10, 11:07 pm

شكرا محمود

» انا عيوني حرمت غيرك تشوف